Tere Na hone ki koyi wajah bhi nahi mere paas
Aur Na tere hone ka koi sabab hai mere pass. -II
Takdeer ki lakeer, pattar pe likhee hai kyun
Ki tum nahi roobaru, meri iss zindagi mein yun. - Tere Na hone ki
Kata tha nahi hai din, tere tasauvvur ke bina,
Ghat gayi umr aadhi, tere kurbat (nearness) ke bina. - Tere Na hone ki
Tum Na loutoge, aur naahi koi ummeed hai teri wapasi ki.
Rukhi nahi hai saans, tere baadh bhi iss Zindagi ki. - Tere Na hone ki
Doorian tho hai darmiyan. iss sab ke bavajood
Reh Gaya hai tanha, tere bina mera wajood. - Tere Na hone ki
Main jo hoon yahan yin sab ke beech,
Ajnabi sa lagtha hai aayina, iss bheed ke beech. - Tere Na hone ki
Tere Na hone ki koyi wajah bhi nahi mere paas
Aur Na tere hone ka koi sabab hai mere pass. - Tere Na hone ki
